თქვენი ჯანმრთელობა.თქვენი დაზღვევა.თქვენი მომავალი.

A ნაწილი საავადმყოფოს დაზღვევაა. ის ფარავს საავადმყოფოში მკურნალობას, სპეციალიზებულ მოვლის დაწესებულებაში (skilled nursing facility) ყოფნას, ჰოსპისს და სახლში მოვლის ზოგიერთ მომსახურებას.

B ნაწილი სამედიცინო დაზღვევაა. ის ფარავს ექიმთან ვიზიტებს, ამბულატორიულ მომსახურებას, პროფილაქტიკურ გამოკვლევებს და სამედიცინო აღჭურვილობას.

C ნაწილის (Medicare Advantage) გეგმებს სთავაზობენ Medicare-ის პროგრამის მიერ დამტკიცებული კერძო სადაზღვევო კომპანიები. ეს გეგმები მოიცავს A და B ნაწილების დაფარვას, როგორც წესი, მედიკამენტების დაფარვასაც, ხშირად კი — დამატებით მომსახურებასაც. ჩვეულებრივ, მათ აქვთ ექიმებისა და საავადმყოფოების საკუთარი ქსელი.

D ნაწილი რეცეპტით გაცემული მედიკამენტების დაზღვევაა. მისი შეძენა შეიძლება ცალკე გეგმის სახით ან Medicare Advantage-ის გეგმის ფარგლებში. Medicare Supplement (Medigap) პოლისი კი გეხმარებათ იმ ხარჯების გადახდაში, რომლებიც ორიგინალი Medicare-ით სარგებლობისას თქვენ გიწევთ.

ადამიანების უმეტესობა A ნაწილისთვის ყოველთვიურ გადასახადს (პრემიას) არ იხდის, რადგან მუშაობის წლებში ისინი ან მათი მეუღლეები Medicare-ის გადასახადს იხდიდნენ.

B ნაწილს აქვს ყოველთვიური გადასახადი (პრემია), რომლის ოდენობა ყოველ წელს დგინდება. მაღალი შემოსავლის მქონე ადამიანებს შეიძლება მეტის გადახდა მოუწიოთ.

გარდა ამისა, არსებობს ხარჯები, რომლებსაც სამედიცინო მომსახურების მიღებისას იხდით:
Deductible (ფრანშიზა) — თანხა, რომელსაც თავად იხდით, სანამ კონკრეტული სადაზღვევო დაფარვა დაიწყება;
თანაგადახდა (copay) — ფიქსირებული თანხა, მაგალითად, ექიმთან ვიზიტზე ან წამალზე;
თანადაზღვევა (coinsurance) — მომსახურების ღირებულების პროცენტი, რომელსაც თქვენ იხდით.

Medicare Advantage-ის, D ნაწილისა და Medigap-ის გეგმებს თავიანთი ყოველთვიური გადასახადი და სხვა ხარჯები აქვთ, რაც გეგმისა და საცხოვრებელი რეგიონის მიხედვით განსხვავდება. დაგეხმარებით, შეადაროთ არა მხოლოდ ყოველთვიური გადასახადი, არამედ მთელი წლის სავარაუდო ჯამური ხარჯი.

მედიკამენტების დაფარვის ყველა გეგმას აქვს დაფარული წამლების საკუთარი სია (ფორმულარი), ფასების დონეები და აფთიაქების ქსელი. ეს ყველაფერი შეიძლება ყოველ წელს შეიცვალოს.

D ნაწილში ახლა მოქმედებს წლიური ზღვარი — მაქსიმალური თანხა, რომელსაც დაფარულ მედიკამენტებზე წლის განმავლობაში საკუთარი ჯიბიდან გადაიხდით.

თქვენს მედიკამენტებს კონსულტაციის დროს ერთად გადავხედავთ და შევამოწმებთ, როგორ ფარავს მათ თქვენს რეგიონში ხელმისაწვდომი გეგმები. ხარჯი დამოკიდებულია კონკრეტულ გეგმაზე, აფთიაქსა და მედიკამენტზე. გეგმის შეცვლის მთავარი დრო ყოველწლიური რეგისტრაციის პერიოდია — 15 ოქტომბრიდან 7 დეკემბრამდე.

გთხოვთ, ვებგვერდის ფორმებში ნუ მიუთითებთ მედიკამენტების სიას ან ჯანმრთელობის სხვა პირად ინფორმაციას.

Medicare-ში პირველად დარეგისტრირების პერიოდი შვიდი თვე გრძელდება: სამი თვე იმ თვემდე, როცა 65 წელი გისრულდებათ, თავად ეს თვე და მომდევნო სამი თვე.

თუ უკვე იღებთ Social Security-ის ფულად სარგებელს (მაგალითად, პენსიას), A და B ნაწილებში, როგორც წესი, ავტომატურად დაგარეგისტრირებენ.

თუ თქვენ ან თქვენი მეუღლე ჯერ კიდევ მუშაობთ და დამსაქმებლის დაზღვევა გაქვთ, ვადები შეიძლება განსხვავდებოდეს. თუ დაგვიანებით დარეგისტრირდებით და ამ პერიოდში სხვა შესაბამისი დაზღვევა არ გქონდათ, შეიძლება მთელი ცხოვრების განმავლობაში დამატებითი ჯარიმის გადახდა მოგიწიოთ. ამიტომ ჯობია, ეს საკითხი წინასწარ გაარკვიოთ.

Social Security-ის პენსიის მიღება შეგიძლიათ 62 წლიდან, თუმცა ამ შემთხვევაში ყოველთვიური თანხა შემცირებული იქნება. თუ მიღებას სრულ საპენსიო ასაკში დაიწყებთ, მიიღებთ სრული საპენსიო ასაკისთვის გათვალისწინებულ თანხას. თუ პენსიის მიღებას 70 წლამდე გადადებთ, ყოველთვიური თანხა გაიზრდება.

არჩევანზე გავლენას ახდენს მეუღლისა და დაქვრივებული მეუღლისთვის განკუთვნილი თანხები, გადასახადები და სამუშაოდან მიღებული შემოსავალი. პენსიის მიღების დაწყების დროის შერჩევა მნიშვნელოვანი გადაწყვეტილებაა: მოგვიანებით მისი შეცვლის შესაძლებლობა შეზღუდულია და კონკრეტულ წესებზეა დამოკიდებული.

როგორც Registered Social Security Analyst® (RSSA®), დაგეხმარებით, შეაფასოთ თქვენი შესაძლებლობები და ის, თუ როგორ უკავშირდება ისინი თქვენს Medicare-ის დაზღვევას.

Medicare Savings Programs (MSP) — დახმარების პროგრამები, რომლებსაც შეუძლიათ B ნაწილის ყოველთვიური გადასახადის, ზოგ შემთხვევაში კი ფრანშიზისა და თანაგადახდის დაფარვა.

Extra Help — შეღავათი, რომელიც ამცირებს მედიკამენტების ხარჯებს შეზღუდული შემოსავლისა და ქონების მქონე ადამიანებისთვის.

Medicaid-მა შეიძლება დამატებითი ხარჯებიც დაფაროს მათთვის, ვინც პროგრამის პირობებს აკმაყოფილებს. პირობები შტატის მიხედვით განსხვავდება. დაგეხმარებით, გაარკვიოთ, გეკუთვნით თუ არა ეს დახმარება, და შეავსოთ განაცხადი.